«Жақсы кітап- жан азығы» конкурсының облыстық кезеңі

Ақмола облысы білім басқармасының облыстық оқу-әдістемелік кабинетінің ұйымдастыруымен 2021 жылғы 26-27 сәуір күндері «Рухани жаңғыру» бағдарламасы аясындағы «Жақсы кітап- жан азығы» конкурсының облыстық кезеңі өтті. Аталған конкурс оқушылардың рухани және интеллектуалды дамуын арттыру, мектеп кітапханаларында кітап шығаруды ынталандыру және осы саладағы жетістіктерді көрсету, оқушыларды шығармашылық жағынан қолдау және мадақтау мақсатында ұйымдастырылды.
Ұсынылған кітаптарға жастайынан білім-ғылымға қанып өскен, ұлттық рухтан сусындаған дарынды, ақынжанды шәкірттердің қаламынан туындаған жырлары топтастырылған. Жас дарындардың әр шығармаларында Отанға деген сүйіспеншілік пен қадір-қасиетін дәріптеу жатыр.
Конкурстың қорытындысы бойынша III орынға «Ақкөл ауданы бойынша бiлiм бөлiмi Өрнек ауылының жалпы орта бiлiм беретiн мектебi» КММ, «Ұстаздар династиясы» кітабы ие болды.